amérika iraqning zémin pütünlükini qollaydighanliqini bildürdi
amérika tashqi ishlar ministirliqi bayanatchisi xisér nawért amérikaning shimaliy iraq rayonluq kürt (kord) hökümitining référandum qararidin köp ümidsizlengenlikini éytti.
türkiye awazi radiyosi xewiri: amérika tashqi ishlar ministirliqining bayanatchisi xisér nawért shimaliy iraq rayonluq kürt hökümitining réaérandumi toghrisida bayanat élan qildi. u yazma bayanatida: «amérika shimaliy iraq rayonluq kürt hökümitining sirttiki rayonlarnimu ichige qoshup, musteqilliq üchün öz aldigha référandum ötküzüshni qarar qilghanliqidin köp ümidsizlendi» dédi.
bayanatta, référandum sewebidin amérikaning shimaliy iraqtiki xelq bilen bolghan tarixiy munasiwetlirining tesirge uchrimaydighanliqi, biraq shimaliy iraq rayoni we xelqi üchün muqimsizliq peyda qilip, qiyinchiliqni ashuruwétidighanliqi؛ shimaliy iraq rayonluq kürt hökümitining iraq merkiziy hökümiti we qoshniliri bilen bolghan munasiwetlirining tesirige uchraydighanliqi eskertildi.
bayanatta yene, amérikaning, «bir pütün, fédéral, démokratik we güllengen iraqni qollaydighanliqi, iraq xelqining meqsitige yétishi üchün asasiy qanun tüzüshke yardem qilish pursetlirining kélishini kütidighanliqi» bildürüldi.
aqsaray bayanatchisi sara sandérs shimaliy iraq rayonluq kürt hökümiti tünügün (25-séntebir) ötküzgen référandum toghrisida élan qilghan bayanatida: «térrorluq teshkilati daéshni yoqitish we iranni chékndürüsh üchün bir pütün iraqning bolushini ümid qilimiz» dégen idi.
