папа азғун идийәләрни тәрғип қилиш билән әйибләнди
ватиканда өктичиләр папа фиранкискусни азғун идийәләрни тәрғип қилиш билән әйибләп мәктуп елан қилди.
түркийә авази радийоси хәвири: ватиканда ислаһат хизмәтлиригә қарши чиқип келиватқан өктичиләрдин 62 шәхс католик дунйасиниң роһаний рәһбири вә ватикан пирезиденти папа фиранкискусни азғун идийәләрни тәрғип қилиш билән әйиблиди.
таратқуларда бу һәқтә чиққан хәвәрләргә қариғанда, дин өлималиридин алий мәктәп оқутқучилири вә банка хадимлириғичә болған охшимиған кәсипләрдин 62 өктичи 11-авғустта папа фиранкискусқа «азғунлуқни ислаһ қилиш»намлиқ 25 сәһипилик мәктуп әвәткән.
өктичиләр папа билән ватикандин җаваб кәлмигәнлики үчүн бу қетимқи мәктупни 6 тилда интернеттә елан қилди.
втикан учур-алақә башқармиси мәктуп елан қилинған интернет бетини ватикан террорторийәси ичидә көрүшни чәклиди.
өктичиләр мәктупта папаниң аҗрашқан әр-хотунлар, қайтидин турмуш қурған йаки никаһсиз йашиған католик әр-айалларниң католик қаидилири бойичә турмуш қурушни тәвсийә қилип бултур елан қилдурған «ашиқниң хошаллиқи»намлиқ китабини тәнқидләшти.
папани католик чиркавиниң әхлақий чүшәнчилиригә зит болған азғун 7 пикирни тәрғип қилиш билән әйиблгән өктичиләр, папани модернизим билән мартин лутерниң азғун чүшәнчилирини йақлаш биләнму әйибләшти.
өктичиләрдин «ватикан банкиси»дәпму атилидиған дини ишлар инистетуниң сабиқ башлиқи еттор готти тедесчи, ла ситампа гезитиниң зийаритини қобул қилип мәктупта тилға елинған қарашларға қошулидиғанлиқини, бирақ мәктупқа банкчи салаһийити билән имза қоймиғанлиқини, буни академикларниң чақириқи дәп қобул қилидиғанлиқини әскәртти.
