shimaliy koréye trampni itqa oxshatti
shimaliy koréye tashqi ishlar ministiri ri yongxo amérika pirézidénti trampning birleshken döletler teshkilati omumiy kéngesh yighinida qilghan: «mejbur bolup qalsaq shimaliy koréyeni yoq qilimiz» teriqisidiki bayanatini: «itning hawshishi» gha oxshatti.
türkiye awazi radiyosi xewiri: birleshken döletler teshkilatining 72 – nöwetlik omumiy kéngesh yighini üchün niyu yorkta ziyarette boluwatqan shimaliy koréye tashqi ishlar ministiri ri muxbirlarning soallirigha jawab bergende mundaq dédi: «hemmige melumluq mundaq bir maqal bar: itlar qawawatsimu murasim dawamlishidu. eger tramp itqa oxshash qawap bizni heyran qaldurushqa urunsa, uning urunushi xam – xiyaldin bashqa nerse emes.»
shimaliy koréye birleshken döletler teshkilatining émbargolirigha qarimay yadro we bashqurulidighan bomba sinaqlirini dawamlashturmaqta..
tramp birleshken döletler teshkilati omumiy kéngishi yighinida shimaliy koréyening yadro sinaqliri heqqide toxtalghanda, shimaliy koréye pirézidénti kim jungunni mazaq qilip: «bashqurulidighan bombigha aylanghan bir adem özini öltürüwélish wezipisiini ötimekte» dégen we sözini mundaq dawamlashturghanidi: «amérikining qudriti mislisiz bolup, sewr – taqitiningmu chéki bar. eger özi hem ittipaqdashliri xewpke duch kelse, shimaliy koréyeni yoq qilishtin bashqa charisi qalmaydu. amérika buninggha teyyar bolup, iradisi qetiy, iqtidarimu yétidu, emma men buninggha kérek qalmasliqini ümid qilimen.»
ete birleshken döletler teshkilati omumiy kéngishi yighinida nutuq sözlishi kütülüwatqan ri yongxo bolsa: «trampning ittipaqdashlirigha ichim aghriydu» dédi.
