аврил лавигнениң интернеттики әң хәтәрлик шәхс икәнлики ениқланди
тор бихәтәрликини сақлаш ширкити – McAfee, канадалиқ нахшичи аврил лавигнениң интернеттики әң хәтәрлик «киши» икәнликини билдүрди.
түркийә авази радийоси хәвири: бир чағларда даңқ чиқарған канадалиқ нахшичи аврил лавигнениң интернеттики «издәш» ләрдики әң хәтәрлик даңлиқ шәхс икәнлики ениқланди.
тор бихәтәрликини сақлаш ширкити – McAfee ниң тәкшүрүп ениқлинишичә, интернеттин аврил лавигне тоғрисидики учурларниң %14.5 иниң вирус йаки йаман нийәтлик пирограмма бар хәтәрлик тор бәтләргә қайдурулуш еһтимали бар икән.
бу җәһәттә лавигнидин қалса, тәртипи бойичә америкилиқ нахшичи бруно марс, канадалиқ нахшичи вә артис карлй рае җепсен, әнглийәлик нахшичи зәйн малик, канадалиқ нахшичи селине дион, шотландийәлик музикант калвин һаррис вә канадалиқ нахшичи җастин биебер қатарлиқлар орун алидикән.
америкилиқ нахшичи вә артис бейонсму мәзкур тизимликтә 10 – рәттин орун алди.
өткән йили интернеттики әң хәтәрлик даңлиқ шәхс америка артис вә қизиқчи амй шумер болғаниди.
