шималий корейә билән әсәдниң тил бириктүргәнлики илгири сүрүлди
бирләшкән дөләтләр тәшкилати тәрипидин тәшкилләнгән бир һәйәт шималий корейә билән әсәд һакимийитиниң башқурулидиған бомба пирограммисини тәрәққий қилдурушта һәмкарлиқ орнатқан болуш еһтималиниң барлиқини илгири сүрди.
түркийә авази радийоси хәвири: бирләшкән дөләтләр тәшкилати тәрипидин тәшкилләнгән бир һәйәт шималий корейәниң химийиви қораллар билән балистик башқурулидиған бомба пирограммилирини сүрийәдики бәшшар әсәд һакимийити билән һәмкарлиқ ичидә тәрәққий қилдуруватқан болуш еһтималиниң барлиқини илгири сүрди.
пийоңйаң һакимийитигә йүргүзүливатқан ембарголарниң әмәлийлишиш әһвалини назарәт қилиш вәзиписи болған 8 кишилик бу һәйәт доклат елан қилип, шималий корейә билән әсәд һакимийити оттурисида чәкләнгән химийиви вә балистик башқурулидиған бомба пирограммилири билән сүрийәниң сикуд намлиқ ракетамийотлири, қуруқлуқтин һаваға қойуп берилидиған ракетамийотлар вә башқурулидиған бомба мудапиә системилирини тәкшүрүш вә ремонт қилиш қатарлиқларда һәмкарлиқ орнатқанлиқи тоғрулуқ пәйда болған мәлуматлар үстидә тәкшүрүш елип берилғанлиқини билдүрди.
бу йил 2-февралдин 5-авғустқичә болған мәзгилни өз ичигә алған мәзкур доклатта, ембарго тизимликигә киргүзүлгән шималий корейәдики орун вә шәхсләрниң сүрийәдә паалийәт елип барған йаки бармиғанлиқи үстидә тәкшүрүш елип бериливатқанлиқи қәйт қилинди.
бирләшкән дөләтләр тәшкилатиға әза икки дөләтниң шималий корейәдин сүрийәгә деңиз йоли арқилиқ маңған бир қисим йүк парахотлирини тосувалғанлиқи қәйт қилинған доклатта, б д т ниң бир әзасиниң һәйәткә йүк парахотлиридики малларниң сүрийә һакимийити билән пийоңйаңниң мәдәнчилик ишлири вә сода ширкити оттурисидики келишимниң бир қисми икәнликигә ишинидиғанлиқини йәткүзгәнликигә орун аҗритилди.
мәзкур доклатта йүк парахоттики малларни тапшуруп алғучиларниң америка қошма иштатлири билән йавропа иттипақи тәрипидин сүрийә һакимийитигә тәвә илмий тәтқиқатлар вә хизмәтләр мәркизиниң параван ширкити икәнликиниң ениқлинип чиққанлиқи, бу мәркәзниңму илгири пийоңйаңниң мәдәнчилик ишлири вә сода ширкити билән чәкләнгән малларниң содисини қилғанлиқиниң ашкариланғанлиқи әслитип өтүлди.
