хитай сериқ рәңлик агаһландуруш чиқарди
хитай дөләтниң җәнубиға тәсир көрситиши күтүлүватқан қаттиқ һөл – йеғин апити мунасивити билән сериқ рәңлик агаһландуруш чиқарди.
түркийә авази радийоси хәвири: дөләтлик метеорологийә мәркизиниң билдүрүшичә, хитайниң җәнубидики гуаңдоң, фуҗиән, җийаңши, хунән, гуйҗо, йүннән вә сичүән өлкилири вә гуаңши җуаңзу аптонум райониға тәсир көрситиши күтүлүватқан һөл – йеғин апити мунасивити билән сериқ рәңлик агаһландуруш чиқирилған.
мәлуматларға қариғанда, хитайниң җәнубида йүз бериватқан һөл - йеғин апәтлири йәр көчүш вә сәлгә айлинип көп санда кишиниң җениға замин болуштәк еғир ақивәтләрни кәлтүрүп чиқармақта икән.
дөләтниң сичүән вә гуйҗо өлкилиридә икки күн илгири һөл - йеғин йәр көчүш вә тағ гөмүрүлүш апитини күлтүрүп чиқирип, 9 киши қаза қилғаниди.
хитай дөләтлик метеорологийә мәркизи түнүгүнму дөләтниң җәнубиға тәсир көрситиши күтүлүватқан тәйфиң борини апити үчүн сериқ рәңлик агаһландуруш чиқирилғанлиқини уқтурғаниди.
игилинишичә, хитайда көк, сериқ, қизғуч сериқ вә қизилдин ибарәт 4 рәңлик агаһландуруш системиси бар икән.
