кенийә өктичилири сотқа әрз қилидиған болди
кенийәдә 8-авғуст (сәйшәнбә) өткүзүлгән пирезидентлиқ сайлимида уттуруп қойған өктичиләрниң ортақ намзати райла одинга сайлам нәтиҗиси тоғрисида сотқа әрз қилидиғанлиқини елан қилди.
түркийә авази радийоси хәвири: өктичи партийәләр тәшкиллигән миллий иттипақ партийәсиниң ортақ намзати одинга сайлам нәтиҗилири тоғрисида байанат елан қилди. байанатта, 8-авғуст өткүзүлгән сайлам нәтиҗисини қобул қилмайдиғанлиқлирини вә бу тоғрида кенийә алий сотиға әрз қилидиғанлиқлирини әскәртти.
у електиронлуқ сайлам системисиниң хакланғанлиқини билдүрүп: «еланларниң қандақ өзгәртилгәнликини, кимниң сайламда қандақ утқанлиқини сотта пүткүл дунйаға көрситимиз» деди.
у сайлам нәтиҗилириниң «компийутерда пәйда қилинғанлиқи» ни әскәртип, кенийәликләрниң бундақ әһвалда қолға кәлтүрүлгән ғәлибини һәргизму қобул қилмайдиғанлиқини қәйт қилди.
өктичиләр хаккерларниң сайламға бир һәптә қалғанда өлүки тепилған сайлам комитети башлиқи кирис мсандониң кимликидин пайдилинип, сайлам системисиға мәхпий киргәнликини вә сайлам нәтиҗисини өзгәрткәнликини илгири сүрди.
кенийә мустәқил сайлам вә чегралар комитети өткән һәптә елан қилған байанатида, %54.27 авазға еришкән һазирқи һакимийәт бешидики пирезидет кенйаттаниң сайламда утқанлиқини, өктичиләр намзатиниң болса %44.74 авазға еришкәнликини билдүргән иди.
өктичиләр сайлам нәтиҗилири елан қилинғандин кейин, дөләт миқйасида намайиш уйуштурған иди. намайишларда амма билән сақчилар арисида чиққан тоқунушларда 24 адәмниң һайатидин айрилғанлиқи билдүрүлгән иди.
