شىددەتلىك ھۆل - يېغىن ۋە بوران تەيۋەنگە ئېغىر زىيان سالدى
ھەپتە ئاخىرىدا تەيۋەن ئارىلىنىڭ جەنۇبىي قىسمىغا زىيان يەتكۈزگەن «نېسات» ۋە «خايتاڭ» بورانلىرىدا 131 ئادەم يارىلاندى، بىر ئادەم يوقاپ كەتتى.
780727
تۈركىيە ئاۋازى رادىيوسى خەۋىرى: رەسمىي خەۋەر ئاگېنتلىقى –سنانىڭ بىلدۈرۈشىچە، شىددەتلىك ھۆل – يېغىن ئارالدىكى 279 جايدا سەل ئاپىتى پەيدا قىلغان، 20587 ئۆينىڭ توكى توختاپ كەتكەن.
خەۋەردە، شىددەتلىك ھۆل – يېغىن ۋە بورانغا زەربىسىگە ئۇچرىغان 5137 ئادەمنىڭ بىخەتەر جايلارغا تارقاقلاشتۇرۇلغانلىقى قەيت قىلىندى.
بىلدۈرۈلىشىچە، «خايتاڭ» بورىنىنىڭ تەيۋەندىن كېيىن خىتاينىڭ جەنۇبىغا جايلاشقان فۇجيەن ئۆلكىسىگە زەربە بېرىش ئېھتىمالى بار ئىكەن.
