amérika kongresidiki ikki partiye üch döletke émbargo yürgüshke kélishti
jumhuriyetchiler bilen démokratlar amérika kongreside, iran, shimaliy koréye we rusiyege qarshi yéngi émbargo yürgüzüsh toghrisida kélishti.
türkiye awazi radiyosi xewiri: amérika kongresidiki ikki partiye üch döletke émbargo yürgüzüsh we rusiyege qarshi yürgüzülidighan émbargolarni emeldin qaldurmasliq üchün pirézidént trampning hoquqigha cheklime qoyush qanun teklipi toghrisida özara kélishti. pirézidént tramp mezkur qararlar qanungha aylanghan teqdirde kongrening testiqidin ötküzmey turup, moskwagha qarita yolgha qoyulghan émbargolarni emeldin qalduruwételmeydu yaki yumshitalmaydu.
ikki partiyening qanun teklipi heqqide özara kélishim qilishi, amérika kongresining rusiyege qarshi qattiq pozityesini dawamlashturushni xalaydighanliqini körsitidu, dep analiz qilinmaqta.
pirézidént trampning qanun teklipini ret qilish hoquqi bar. qanun teklipi ete (25-iyul) kongrede muzakirege qoyulidu.
