shimaliy koréyening bashqurulidighan bomba siniqi xelqaraning eyiblishige uchridi
b d t we amérikini öz ichige alghan bezi döletler xewpsizlik kéngishini jiddiy yighingha chaqirip, shimaliy koréyening bashqurulidighan bomba siniqini eyibleshke chaqirdi.
türkiye awazi radiyosi xewiri: b d t bash katipi antoniyo gutérs shimaliy koréyening yiraq musapiliq qiteler ara bashqurulidighan bomba sinaq qilghanliqini eyiblidi we piyongyang hökümitini ighwagerchilik qilishni axirlashturushqa chaqirdi.
amérika tashqi ishlar ministiri réks tillérson yazma bayanatida, barliq döletlerning shimaliy koréyege yadro qoraligha ige bolush üchün izdinishlerning bir netijisi bolidighanliqini körsitip qoyushi kéreklikini eskertip, mundaq dédi:
«shimaliy koréyening ighwagerchilik heriketlirini b d t xewpsizlik kéngishining aldigha qoyush we hésab sorash üchün téximu küchlük tedbirlerni yolgha qoyush niyitimiz bar.»
amérika dölet mudapie ministirliqining bayanatchisi dana wayt yazma bayanatta, piyongyangning qiteler ara bashqurulidighan bomba sinaq qilghanliqini eyiblidi. bayanatta, amérikining ittipaqdashliri bilen rayon weziyitini yéqindin közitiwatqanliqi eskertildi. bayanatta mundaq déyildi:
«bashqurulidighan bomba siniqi, shimaliy koréyening amérika we ittipaqdashlirigha tehdit peyda qilghanliqini körsitip béridu. jenubiy koréye bilen nishanliq étish iqtidarimizning barliqini ispatlash üchün birlikte manéwir qilduq.»
amérika, yaponiye we jenubiy koréye qatarliq döletler b d t xewpsizlik kéngishini jiddiy yighingha chaqirdi. b d t xewpsizlik kéngishi 6-iyul ürümchi waqti 01:00 de toplinidu.
tünügün (4-iyul) shimaliy koréyening muweppeqiyetlik halda yiraq musapiliq qiteler ara bashqurulidighan bomba sinaq qilghanliqi bildürülgen idi.
