қатар билән дипломатик мунасивитини үзгән дөләт сани 9 ға йәтти

түркийә авази радийоси хәвири: қатар билән дипломатик мунасивәтлирини үзгән дөләтләр сепигә коморому қошулди.

африқа қитәсигә қарашлиқ арал дөлити коморо, сәуди әрәбистан билән бәһрәйн тәрипидин террорчиларни малийә билән тәминләш билән әйибләнгән қатар билән дипломатик мунасивәтлирини үзди.

сәуди әрәбистан хәвәр агентлиқи, коморониң пайтәхти моронидики қатар әлчиханисиға дипломатик мунасивәтләрниң үзүлгәнликиниң уқтурулғанлиқини хәвәр қилди.

буниң билән коморо қатар билән дипломатик мунасивәтни үзгән тоққузинчи дөләт болди.

сенегалму қатардики баш әлчисини қайтуруп кетишни қарар қилди؛ сенегал ташқи ишлар министирлиқи йазма байанат елан қилип, дөләтниң доһада турушлуқ баш әлчисиниң дөләткә чақирилғанлиқини әскәртти.

бир түркүм әлләрниң қатар билән дипломатик мунасивәтлиригә хатимә беришидин кейин, парс қолтуқидики өзгиришләрни йеқиндин тәқиб қилиниватқанлиқиға ишарәт қилинған байанатта, сенегалниң сәуди әрәбистан, әрәб бирләшмә хәлипилики, бәһрәйн вә мисир билән һәмкарлиқ ичидә икәнлики қәйт қилинди.

қатар билән дипломатик мунасивәтни үзгән әлләр қатариға буниңдин илгири мавританийәму қетилғаниди.

мавританийә рәсмий хәвәр агентлиқи – а.м.и, қатар мәвҗут сийасәтлирини давамлаштурушта чиң турғанлиқи үчүн, мавританийәниң дипломатик мунасивәтләрни тохтатқанлиқини хәвәр қилғаниди.

мавританийә ташқи ишлар министирлиқи байанат берип, мавританийә ислам җумһурийитиниң әрәб мәнпәәтлирини қоғдаш җәһәттә һәрдаим күчлүк позитсийә билдүрүп келиватқанлиқини тәкитлигән вә қатарниң әрәбләрниң ортақ пиринсиплириға қарши чиққанлиқини؛ әрәб әллиридә қалаймиқанчилиқ вә хатирҗәмсизлик йаритишқа урунғанлиқини шундақла инсаний киризисләрниң баш көтүрүшигә сәвәб болғанлиқини илгири сүргәниди.

сәуди әрәбистан, мисир, бәһрәйн, әрәб бирләшмә хәлипилики, йәмән, ливийә вә молдавийә алдинқи күни қатар билән болған пүткүл дипломатик мунасивәтлирини тохтатқан шундақла қатарға қарита деңиз вә һава чегралирини тақивәткәниди.

қатарлиқ дипломатларниң дөләтләрдин чиқип кетиши үчүн 48 саәт؛ қатар пуқралири үчүн 14 күн мөһләт берилгән, қатарниң сәуди әрәбистан башчилиқидики һусийларға қарши йәмәндә тәшкиллигән хәлқара бирләшмидики ролиға хатимә берилгәнлики билдүрүлгәниди.

бу җәрйанда ийорданийә, қатар билән дипломатик мунасивәтлириниң дәриҗисини төвәнлитиш вә әлҗәзирә қанилиниң дөләт тәвәликидики ишханилирини тақиветишни қарар қилғаниди.

маракәш хан җәмәти авийатсийә ширкитиму қатар билән дипломатик мунасивәтлирини үзгән дөләтләргә доһа арқилиқ баридиған айропилан сәпәрлирини тохтатқанлиқини билдүргәниди.