хитайдики муһит булғиниши әң хәтәрлик сәвийәгә йәтти

түркийә авази радийоси хәвири: хитайниң оттура вә шәрқий районлиридики муһит булғиниши хәтәрлик сәвийәләргә йәтти.

хитай дөләтлик метеорологийә идариси пайтәхт бейҗиңниму өз ичигә алған 8 өлкигә қарашлиқ нурғунлиған шәһәрләрдә, һавадики зийанлиқ зәрричиләрмиқдариниң «PM 2,5» дәриҗисигә чиққанлиқини, бу өлчәмниң дунйа сәһийә тәшкилати тәрипидин қобул қилинған нормал өлчәмдин 35 һәссә ешип кәткәнликини, һәтта униңдинму йуқири өрләп, 800 гә йәткәнликини вә «PM 2,5» өлчиминиңму 150 дәриҗидин үстүн  «хәтәрлик» дәп қобул қилнидиғанлиқини билдүрүлди.

хитайниң оттура вә шәрқий районлирида түнүгүн кечидин башлап тәсир көрситишкә башлиған қум борини сәвәбидин муһит булғиниш дәриҗиси техиму хәтәрлик сәвийәгә чиқти. һәтта, 21 милйон нопусқа игә бейҗиң шәһиридә көрүш мусаписи 100 метирға чүшүп қалди.

алақидар мәсуллар қум борининиң әтә (5-май) әтигәнгичә давамлишидиғанлиқи, еғир дәриҗидә муһит булғиниши сәвәбидин мәҗбур болмиған әһвалда хәлқниң сиртқа чиқмаслиқи лазимлиқи һәққидә алаһидә агаһландуруш елан қилди.

агаһландурушта, сиртқа чиққанда маска тақаш керәклики, җисманий күч тәләп қилидиған һәр хил паалийәтләрдин узақ туруш лазимлиқи тәкитләнди.