«түркийәниң вәзийити муқим болмиса пүткүл йавропа чоң палакәткә дуч келиду»
венгрийә баш министири виктор орбан түркийәдә муқимлиқни ишқа ашурғучиларни қоллаш лазимлиқини тәкитләп, «түркийәниң вәзийити муқим болмиса пат йеқинда пүткүл йавропа чоң палакәткә дуч келиду» деди.
721469
түркийә авази радийоси хәвири: орбан йавропа парламенти омумий кеңишидики нутиқидин кейин өткүзгән ахбарат елан қилиш йиғинида мухбирларниң соаллириға җаваб бәргәндә, түркийәдә 16 – апрел күни өткүзүлгән асасий қанунни өзгәртиш реферандумидики ғәлибиси мунасивити билән җумһур рәис әрдоғанни тәбриклигәнликини, түркийәниң муқимлиқиниң йавропа үчүн наһайти зор әһмийәткә игә икәнликини әскәртти һәмдә йавропаниң һазирқи әң муһим хизмитиниң түркийәни муқимсизлаштуруш болмаслиқини тәкитләп мундақ деди: «чүнки түркийәниң вәзийити муқим болмиғанда, пүткүл районни балайиапәт қаплап кетиду, җүмлидин һәммимиз наһайти чоң палакәткә дуч келимиз, шуңа әрдоғанниң муқим сийасий һайат шәкилләндүрүш истиратегийәсини қоллаймән.»
