ikki mingdin artuq süriyelik muhasire astidiki rayondin tarqaqlashturuldi
esed hakimiyitining muhasirisi astidiki süriyening humus wilayitige qarashliq waer baziridin minglarche kishi tarqaqlashturuldi.
türkiye awazi radiyosi xewiri: esed hakimiyitining muhasirisi astidiki süriyening humus wilayitige qarashliq waer baziridin tarqaqlashturulghan puqra we jengchilerdin teshkil tapqan 5 - türküm kishiler jerablus nahiyesige yétip keldi.
waerdin seyshenbe küni kechte yolgha chiqqan 5 - guruppidiki 2124 kishi, helebning sherqidiki firat qalqini herikiti dairiside daéshtin azad qilinghan türkiye chégrasigha yéqin jerablus nahiyesige yétip keldi.
510 kichik bala, 275 ayal qoshulup jemiy 1874 puqra bilen 250 öktichi esker, jerablustiki zoghara musapirlar lagérigha orunlashturuldi.
insan heq we hörriyetliri insaniy yardem fondi, öktichilerning kontrolluqidiki rayongha kirgen mezkur kishilerge yémek – ichmek yardimi qildi.
ötken ay bashlanghan waerdikilerni tarqaqlashturush xizmetliri dairiside chiqirilghan aldinqi ikki guruppa kishimu jerablustiki lagérlargha orunlashturulghanidi. 3 – guruppa idlib taghliq rayonidiki waqitliq panahlinish merkezlirige؛ 9 – aprélda chiqqan 4- guruppa bolsa, yene jerablustiki zoghara musapirlar lagérigha orunlashturulghanidi.
