xitayda chiriklikke zerbe bérish orginining sabiq bashliqimu chiriklik bilen eyiblendi

türkiye awazi radiyosi xewiri: xitayda chiriklikke zerbe bérish orginining sabiq bashliqi jang xuawéy chiriklik qilish bilen eyiblinip tekshürülüshke bashlidi.

xitay kommunist partiyesi intizam tekshürüsh we nazaret qilish komitéti chiriklikke zerbe bérish orginining sabiq bashliqi jang xuawéyning partiyening xizmet pirinsiplirigha xilapliq qilghanliqi sewebidin tekshürülüwatqanliqini uqturdi.

döletlik chiriklikke zerbe bérish orginida 2013-yildin 2015-yilghiche xizmet ötigen jang xuawéy, xitayda chirikilik qilish bilen eyiblengen tunji sabiq organ bashliqi boldi.

igilinishiche, jang xuawéyning emili muawin ministirliq emlige toghra kélidiken.

xitay kommunist partiyesi intizam tekshürüsh we nazaret qilish komitéti chiriklik qilmishliri üstide tekshürüsh élip bériwatqan xadimlarnimu nazaret qilish üchün bezi qaide-pirinsiplarni békitkenidi.

xitay kommunist partiyesi intizam tekshürüsh we nazaret qilish orgini bashliqi wang chishen bultur dékabirda bu heqte bayanat bildürüp, 2012-yildin buyan memliketlik miqiyasida élip bérilghan chiriklikke zerbe bérish xizmiti dairiside wezipe ötigen 7000din artuq xadimning tekshürülgenlikini bildürgenidi.

xitayda chiriklik we para élish jinayiti sadir qilghan emeldarlargha muddetsiz qamaq jazasi yaki kichiktürüp ölümge höküm qilish jazasi bérilidu.

xitay dölet reisi shi jinping 2012-yili xitay kommunist partiyesining reislik wezipisini tapshurup alghandin kéyin chiriklikke qattiq zerbe béridighanliqini jakarlap, chiriklik qilmishining «kommunist partiyening mewjudluqigha éghir xewp»shekillendürgenlikini bildürgenidi.

xitay kommunist partiyesi intizam tekshürüsh we nazaret qilish orgini we alaqidar yerlik tarmaqlar 2012-yildin buyan memliket miqiyasida 75 milyondin artuq xitay kommunist partiyesi ezasi üstide tekshürüsh élip bardi.