америкилиқ бир әмәлдар, ливийәни үчкә парчилаш тәклипини оттуриға қойди
америка пирезиденти доналд трампниң йардәмчилиридин себастиан горка, ливийәни үчкә парчилаш тәклипини оттуриға қойди.
түркийә авази радийоси хәвири: америкилиқ йуқири дәриҗилик бир әмәлдар тазилиқ қәғизигә сизған бир парчә хәритини көрситип туруп, ливийәни осман империйәси дәврдики үч айрим районниң чегралири бойичә парчилаш тәклипини оттуриға қойди.
әнглийәдә чиқидиған «гуардиан» гезитиниң стефане кирчагаеснер вә җулиан боргер имзалиқ хәвиригә қариғанда, америка пирезиденти доналд трампниң йардәмчилиридин себастиан горка, йавропалиқ дипломатлар билән өткүзгән учришишида, бир тазилиқ қәғизигә сизған хәритини көрситип туруп, ливийәни үчкә парчилаш тәклипини оттуриға қойған.
пиланға асасән, траблус вә тобрук деңизға туташ траблусғәрб вә сиренайка исимлик икки айрим дөләт болидикән, чад чеграсиға йеқин физан районида айрим бир дөләт қурулидикән.
трампниң ливийә алаһидә вәкили болуш үчүн тиришиватқан горка, «ашқун исламға қарши» пикирлири билән тонулған бири.
ливийәдә 2011 – йилидики америка һимайисидики мудахилидин кейин муәммәр қәддафиниң ағдурулуши билән күчийип кәткән тоқунушлар һелиһәм давам қилмақта.
«гуардиан» ниң соаллириға җаваб бәргән мутәхәссиләр, ливийәни үчкә парчилашниң районлар арисидики нефит запаслири йүзисидин чегра тоқунушларниң пилтисигә от йақидиғанлиқини ейтип агаһландурди.
