ئەزەربەيجاندا ئافغانىستان دۇچ كېلىۋاتقان مەسىلىلەر مۇزاكىرە قىلىندى

تۈركىيە ئاۋازى رادىيوسى خەۋىرى: ئافغانىستان دۇچ كېلىۋاتقان مەسىلىلەر رايون دۆلەتلىرىنىڭ مۇقىملىقى ئۈچۈنمۇ ناھايتى زور ئەھمىيەتكە ئىگە بولۇپ، 2011 – يىل تۈركىيە ۋە ئافغانىستاننىڭ تىرىشچانلىقى نەتىجىسىدە ئىشقا كىرىشتۈرۈلگەن ئاسيانىڭ مەركىزى ئىستانبۇل مۇساپىسى ئارقىلىق ئافغانىستاننى چىقىش نۇقتا قىلغان ھالدا رايونلۇق ھەمكارلىق يىغىنلىرى چاقىرىلماقتا.

ئىستانبۇل مۇساپسىسىنىڭ تەڭ ھوقۇقلۇق رەئىسلىك ۋەزىپىسىنى بۇ يىل ئەزەربەيجان ئۆتىمەكتە.

ئافغانىستاننى چىقىش نۇقتا قىلغان ھالدا رايونلۇق ھەمكارلىقنى كۈچەيتىشنى نىشان قىلىدىغان ئىستانبۇل مۇساپىسى تۈركىيە رەھبەرلىكىدە ئافغانىستان بىلەن بىرلىكتە 2011 – يىلى 2 – نويابىر كۈنى ئىشقا كىرىشتۈرۈلگەنىدى.

14 ئەزا دۆلەتتىن تەشكىل تاپقان ئىستانبۇل مۇساپىسىنى 17 دۆلەت ۋە 12 خەلقئارالىق تەشكىلات قوللىماقتا.