tramp flinning istépasini telep qilghan
amérika pirézidénti donald trampning aqsaray bixeterlik meslihetchisi maykél flinning istépa bérishini telep qilghanliqi ashkarilandi.
türkiye awazi radiyosi xewiri: aqsaray bayanatchisi shan spaysér kündilik axbarat élan qilish yighinida, donald trampning meslihetchiliridin donald migen (Donald McGahn) ning bundin 17 kün burun trampni agahlandurup, flinning rusiye bash elchisi sérgéy kisilyak bilen ötküzgen téléfon söhbitige munasiwetlik muawin pirézidént mayk pénsqa xata melumat bergenliki toghrisida xewerlendürgenlikini bildürdi.
bayanatchi shan spaysér pirézidéntning «bixeterlik mesilisi» toghrisida agahlandurulghanliqini eskertip: «pirézidént, flinning pénisni we bashqilarni xataliqqa yétekligenlikidin intayin qayghurghan idi» dédi. u, shunga bu ehwallar sewebidin pirézidént trampning flindin istépa bérishni telep qilghanliqini qeyt qildi.
bayanatchi spaysér aqsarayning flinni rusiye bash elchisi bilen körüshkenliki ashkarilanghandin kéyin, nazaret astigha alghanliqini bildürdi we: «bu gep-sözler otturigha chiqqandin bashlap, ehwalning rast yaki yalghanliqini bilish üchün her küni tekshürüsh élip bérildi» dédi.
flin kisilyak bilen téléfonda körüshkenliki ashkarlanghandin kéyin, xizmitidin istépa bergen idi.
