ياۋروپا ترامپقا نارازىلىق بىلدۈردى
ئامېرىكا قوشما ئىشتاتلىرى پىرېزىدېنتى دونالد ترامپنىڭ 7 مۇسۇلمان دۆلەت پۇقرالىرىغا قاراتقان ۋىزا چەكلىمىسى ياۋروپا پارلامېنتىدىمۇ كۈنتەرتىپكە كەلدى.
664076
![ياۋروپا ترامپقا نارازىلىق بىلدۈردى](http://cdn.trt.net.tr/images/xlarge/rectangle/c3ce/0e2a/35c9/5892f52cd8ab4.jpeg?time=1719127102)
تۈركىيە ئاۋازى رادىيوسى خەۋىرى: ياۋروپا پارلامېنتىنىڭ بىريۇسسېلدا چاقىرىلغان يىغىنىغا مېھمان سۈپىتىدە ئىشتىراك قىلغان ياۋروپا ئىتتىپاقى تاشقى مۇناسىۋەتلەر ۋە بىخەتەرلىك سىياسەتلىرى ئالىي ۋەكىلى فېدېرىكا موگېرىنى، ئامېرىكا دائىرىلىرىنىڭ 7 دۆلەتكە ۋىزا چەكلىمىسى قويۇش قارارىنى ئەيىبلەپ، «بۇ ھەقتىكى قاراشلىرىمنى بۇنىڭدىن ئىلگىرىمۇ ئوتتۇرىغا قويدۇم. ھېچكىمنى تۇغۇلغان ئورنى، دىنى ياكى ئېتنىك كېلىپ چىقىشىغا ئاساسەن ھەق – ھوقۇقلىرىدىن مەھرۇم قىلىشقا بولمايدۇ. بۇ نۇقتا، ھەم ياۋروپا ئىتتىپاقى ھەم ئامېرىكا قوشما ئىشتاتلىرى ئاساسىي قانۇنلىرىدا يېزىقلىق» دېدى.
موگېرىنى ترامپقا «ئۆز دۆلىتىدە بولۇۋاتقان ئىشلارغا دىققەت قىلىش» نى تەۋسىيە قىلدى.