демократлар трампниң ички кабент намзатлирини қачан тәстиқлайду?
америка кеңәш палатасидики демократлар пирезидент доналд трампниң әдлийә, хәзинә вә сәһийә министирлиқлириға көрсәткән намзатлирини авазға қойушни кечиктүрмәктә.
түркийә авази радийоси хәвири:демократлардин болған кеңәш палата әзалири әдлийә министири җеф сешинсқа аваз беришни, кеңәш палатасиниң сот комитети йиғинини узартип, 8-февралға кечиктүрди. хәзинә вә сәһийә министирлиқлириниң намзатлириға аваз беришни болса, байқут қилди.
кеңәш палатасиниң демократлири трампниң хәзинә министири намзати ситивин манучин билән сәһийә министири намзати томис пирайс үчүн өткүзүлгән аваз беришкә қатнашмиди. бу сәвәбтин беләт ташлаш кечиктүрүлди. байқутчилар пирайсниң сәһийә вә дора ширкәтлири билән манучин мудирийәт башлиқи болуп туруватқан ван вест (VAN VEST) банкиси оттурисидики пул-муамилә мунасивәтлирини сәвәб қилип көрсәтти.
кеңәш палатаси трамп қатнаш министирлиқиға көрсәткән илейн чавниң намзатлиқини 6 гә қарши 93 аваз билән тәстиқлиди.
доналд трамп кеңәш палатасидики байқутқа твиттер арқилиқ җаваб қайтуруп: «демократлар бизгә әдлийә министиримизни вә кабентимизниң башқа әзалирини қачан бериду?» деди вә һөкүмәтниң ишлийәлмәслик еһтималини тилға алди.
