ھىندىستاندا قار پالاكىتىدە ئۆلگەنلەرنىڭ سانى 19 غا يەتتى
ھىندىستاننىڭ جاممۇ كەشمىر رايونىغا جايلاشقان ھىمالايا تېغىدا يۈز بەرگەن قار كۆچكۈنى پالاكىتىدە ھاياتىدىن ئايرىلغانلارنىڭ سانى 19 غا يەتتى.
660544
![ھىندىستاندا قار پالاكىتىدە ئۆلگەنلەرنىڭ سانى 19 غا يەتتى](http://cdn.trt.net.tr/images/xlarge/rectangle/0b67/5207/42af/588b372d5c9ed.jpg?time=1718928488)
تۈركىيە ئاۋازى رادىيوسى خەۋىرى: ھەربىي باياناتچى پولكوۋنىك راجېش كالىئا گۇرېز رايونىدا يۈز بەرگەن قار كۆچكۈنىنىڭ ئاستىدا قالغان يەنە 4 ئەسكەرنىڭ جەسىتى تېپىلغانلىقىنى قەيت قىلدى.
رايوندىكى ھاۋا شارائىتىنىڭ ناچارلىقى ۋە قاتتىق قار يېغىشى سەۋەبىدىن ئىزدەش – قۇتقۇزۇش پائالىيەتلىرىنىڭ توختىتىپ قويۇلغانلىقى بىلدۈرۈلدى.
جاممۇ كەشمىر رايونىدىكى كۆپلىگەن جايلاردا قار كۆچكۈنى توغرۇلۇق ئاگاھلاندۇرۇش بېرىلگەندىن كېيىن دائىرىلەر خەتەرلىك رايونلاردىن نۇرغۇن كىشىنى بىخەتەر جايلارغا ئورۇنلاشتۇرغان، رايوندا ئىزدەش – قۇتقۇزۇش ئەترەتلىرى تۈنۈگۈن ۋە ئالدىنقى كۈنى قار كۆچكۈنى ئاستىدىن 15 كىشىنىڭ جەسىتىنى تاپقانىدى.