türkiye somalida yüz bergen bomba hujumini eyiblidi
türkiye tashqi ishlar ministirliqi tünügün moqdishoda hökümet mesulliri chüshken méhmansarayning aldida yüz bergen, köp sanda kishi ölgen we yarilanghan bomba hujumidin tolimu epsuslinidighanliqini bildürdi.
türkiye awazi radiyosi xewiri: hujumda hayatidin ayrilghanlargha allah taaladin rehmet, yarilanghanlargha shipaliq tilengen we yéqin – yoruqlirigha teziye bildürülgen bayanatta, mundaq déyildi: «bu térrorluq hujumini qattiq eyibleymiz. somalida parlamént saylimi axirlashqan mezgilde yüz bergen hujum döletning muqimliq musapisigha ziyan yetküzüshni nishan qilghan dep qaralmaqta. biz bundaq wehshiyane hujumlar somalining algha ilgirilishige tosalghu bolalmaydu dep qaraymiz. türkiye somalining tinchliq we muqimliqqa érishishi üchün hemishe somaligha qolidin kélishiche yardem béridu, dawamliq dost we qérindash somali xelqining yénidin orun alidu.»
deslepki melumatlargha qarighanda, paytext moqdishoda 12 kishining jénigha zamin bolghan, 25 kishining yarilinishini keltürüp chiqarghan bomba hujumining jawabkarliqini térrorluq teshkilati eshshebab öz üstige alghanidi.
