чехийә, хусусийларниң қораллинишини омумлаштурушни пиланлимақта
чехийә ички ишлар министири милан чованек, чехийәниң хусусийларниң қораллинишини омумлаштурушни пиланлаватқанлиқини билдүрди.
түркийә авази радийоси хәвири: чехийә (чех) террорлуққа қарши хусусийларни қоралландуруш бәлгилимиси чиқиришқа тәййарлиниватқанлиқини билдүрди.
чехийә ички ишлар министири милан чованек, берлин вә найс шәһәрлиридә мәйданға кәлгән террорлуқ һуҗумлири сәвәбидин хәлқниң «актип вә тез мудапиәлиниш» ни капаләткә игә қилиши үчүн, хусусийларниң қораллинишини омумлаштурушқа алақидар қанун чиқиридиғанлиқлирини билдүрди.
чехийә пуқралириниң бу арқилиқ һәрқандақ бир террорлуқ һуҗумиға дуч кәлгәндә, хәвпсизлик күчлиригә һәмнәпәс болидиғанлиқини тәкитлигән чованек, бәлгилиминиң дөләтниң ички бихәтәрлики вә хатирҗәмликини күчкә игә қилишқа йардәмчи болидиғанлиқини илгири сүрди.
игилинишичә, омумий нопуси 10 милйон әтрапида болған чехийәдә 800 миң адәмниң қанунлуқ қорали бар икән.
