коломбийәдә чүшүп кәткән айропиланниң сәвәби ениқланди
боливийә дөләт мудапиә министири рәйми феррера айропиланниң чүшүп кетиш вәқәсигә «җинайәт» дәп баһа бәрди.
түркийә авази радийоси хәвири: коломбийәдә 29 – нойабирда чүшүп кәткән йолучи айропиланиниң йәргә қонуштин илгири йиқилғуси түгәп кәткәнлики ениқлап чиқилди. айропиланниң қара қутусини тәкшүрүш хизмәтлири ахирлашти.
хәлқ авеатсийә агетлиқи елан қилған байанатта, беразилийәниң 1 – дәриҗилик путбол командилиридин «Chapecoense» командисини елип маңған айропиланниң қара қутуси вә башқа дәлил – пакитларни тәкшүрүш нәтиҗисидә, йәргә қунуштин илгири айропилан йиқилғуси түгәп кетиш сәвәбидин чүшүп кәткәнлики билдүрүлди.
байанатта дәсләпки байқашларда техникилиқ хата вә бузғунчилиқ еһтималидин бәкрәк инсаний хаталиқ йүз бериш еһтимали йуқири икәнлики уқтурулди.
боливийәниң санта дә ла шерра шәһиридин беразилийәниң 1 – дәриҗилик путбол командилиридин «Chapecoense» командисини елип, коломбийәниң меделлин шәһиригә кетиватқан, җәмий 77 киши олтурған айропилан 29 – нойабир күни меделлин шәһири әтрапидики тағлиқ районға чүшүп кәткән вә 71 киши һайатидин айрилған иди.
һавада 4 саәт 20 менут учқан айропиланниң меделлин айродорумиға қонуш рухсити күтиватқан пәйттә йеқилғуси еқип кетиватқанлиқидин гуман қилинған башқа бир айропиланға қонуш рухсити берилип, боливейә айропиланиниң сақлашқа мәҗбурмбүғанлиқи қәйт қилинди.
боливийә дөләт мудапиә министири рәйми феррера айропиланниң чүшүп кетиш вәқәсигә «җинайәт» дәп баһа бәрди. айропиланда бир тәрәптин йәнә бир тәрәпкә йәткүдәкла йеқилғу болидиғанлиқини, айропиланниң қонушиға рухсәт қилмай сақлитишниң хәлқара хәлқ авеатсийә қаидә – түзүмлиригә пүтүнләй хилап икәнликини ейтти.
