хитай америкиниң адәмсиз су асти тәкшүрүш аппаратини қайтуруп бәрди

түркийә авази радийоси хәвири: америка дөләт мудапиә министирлиқи байанатчиси петер чук елан қилған байанатида, җәнубий хитай деңизида тутуп кетилгән адәмсиз су асти тәкшүрүш апаратини хитай һөкүмитиниң америкиға қайтуруп бәргәнликини уқтурди.

петер чук адәмсиз су асти тәкшүрүш апаратиниң тутуп кетилгән җайға йеқин йәрдә америка деңиз армийәси мәсуллириға тапшуруп берилгәнликини билдүрүп, «бу вәқә хәлқара қанунға вә деңиз армийәлири оттурисидики кәспий өлчәмләргә пүтүнләй зит килидиған қилмиш иди» деди.

амерка дөләт мудапиә министирлиқи бу вәқәни тәкшүрүшни давамлаштуриватқанлиқини елан қилди.

америка дөләт мудапиә министирлиқи байанатчиси йүз беши җеф давис пантагонда ахбаратчиларға елан қилған байанатида, җәнубий хитай деңизида филиппингә йиқин субиҗ қолтуқидин 50 мил узақлиқта хәлқара деңиз тәвәликидә тәкшүрүш елип бериватқан америкиниң деңиз армийәсигә тәвә 2 адәмсиз су асти тәкшүрүш апаратидин бирсини хитайниң тутуп кәткәнликини елан қилған иди.

доналд трампму, хитайниң америкиға тәвә адәмсиз су асти тәкшүрүш апаратини тутуп кәткәнликини «оғрилиқ» дәп қаттиқ әйиблигән иди.

җәнубий хитай деңизиниң йәр асти байлиқи мол болуп, хитай игилик даваси сәвәбидин қошнилири билән зиддийәтлишип кәлмәктә.

униң үстигә хитай һөкүмити бу талаш - тартишлиқ районға суний аралларни йасап, һава армийә базиси қатарлиқ бир түркүм муәссәләрни қуруп чеқиш арқилиқ талаш - тартишлиқ деңизда өзиниң орнини күчләндүрүшкә урунуп кәлмәктә. хитайниң игилик давасиға америка вә райондики башқа дөләтләрниң һәммиси қарши чиқмақта.