һималайа тағ тизмилиридики муз қатламлири ерип бармақта
җош маврер һималайадики муз қатламлириниң йүз қисминиң һәр йили 25 сантемитир ерип кетиватқанлиқини билдүрди.
түркийә авази радийоси хәвири: илим әһлилири соғуқ мунасивәтләр уруши дәвридә ишлитилгән җасос сүний һәмраһларни бу қетим һималайадики муһит өзгириш һадисисиниң көрүнүшини тартиш үчүн ишләтти.
муз қатламлириниң ерип кетиш әһвалини чүшиниш үчүн америка қошма иштатлириға тәвә Hexagon намлиқ җасос сүний һәмраһ пирограммисидин елинған көрүнүшләр билән, америка дөләтлик авиатсийә вә аләм қатниши идариси наса вә йапонийә авиатсийә вә аләм қатниши агентлиқидин елинған мәлуматлар өз-ара селиштуруп чиқилди.
нийуйорктики колумбийа университетида хизмәт қилидиған җош маврер, һималайадики муз қатламлириниң йүз қисминиң һәр йили 25 сантемитир ерип кетиватқанлиқини билдүрүп, муз қатламлириниң бу дәриҗидә еришиниң нормал әмәсликини әскәртти.
су байлиқлириға беқинди һаләттә йашайдиған җанлиқлар бу әһвалниң тәсиригә учрайдиғанлиқини әскәрткән маврер, ерип кәткән муз қатламлириниң мәнбә суларниң сәвийәсини қисқа муддәт болсиму йуқири көтүридиғанлиқини, лекин алдимиздики 100 йилда мәнбә суларниң көп қисиминиң азийишиға сәвәб болидиғанлиқини тәкитилди.
