мусулман хакерлар мәлум бир исраилийә хәвәр қанилини тизгинливелип әзан оқиди
мусулман хакерлар Israel's Channel 2намлиқ бир исраилийә хәвәр қанилини тизгинливелип әзан вә дуа оқиди.
исраилийә парламенти кнессеттә әзанниң йаңратқу билән оқулушини чәкләшни мәзмун қилған қанун лайиһәсигә наразилиқ билдүргән бир түркүм хакерлар исраилийәгә тәвә бир хәвәр қанилини тизгинливалди.
Israel's Channel 2 намлиқ қаналниң сүний һәмраһ системилирини тизгиниливалған хакерлар қаналда әзан вә дуа оқушти.
қанални көрүватқан исраилийәликләр телевизийә тарқитишини тизгинливалған хакерларниң әзан оқуғанлиқлирини билдүрүшти. хакерлар қаналда ибраничә учур тарқитип, нурғун дөләтниң йардими билән аран өчүрүлгән от апитиниң әзанни чәкләшниң җазаси икәнлики әскәртилди.
исраилийә парламентидики әрәб парламент әзаси әһмәд тийби, исраилийәниң «шавқун-сүрән пәйда қилиду»дегәнни баһанә қилип йаңратқу билән әзан оқулушини чәкләш мәзмун қилинған қанун лайиһәсигә парламентта әзан оқуш арқилиқ наразилиқ билдүргәндә, йәнә бир әрәб парламент әзаси таләб әбу арарму униңға аваз қошқаниди.
исраилийә баш министири бунйамин нетанйаһуму әзанниң «шавқун-сүрән пәйда қилип инсанларни биарам қилидиғанлиқи»илгири сүрүлүп чәклиниши мәзмун қилинған қанун лайиһәсини қоллайдиғанлиқини билдүргәниди.
