seudi erebistanda bir ministir wezipisidin élip tashlandi
yéqindin buyan seudi erebistanda shah jemeti ezalirining we yuqiri derijilik emeldarlarning jazalinishi hemmining diqqitini tartmaqta.
türkiye awazi radiyosi xewiri: seudi erebistan padishahi selman bin abdul eziz xizmet we ijtimaiy tereqqiyat ishliri ministiri muferrej el haghbanini wezipisidin élip tashlidi.
seudi erebistan padishahi selman bin abdul eziz teripidin chiqirilghan we seudi erebistan resmiy xewer agéntliqi «SPA»da élan qilinghan qararname bilen xizmet we ijtimaiy tereqqiyat ishliri ministiri muferrej el haghbanining wezipisidin élip tashlinip, uning ornigha eli bin nesir el ghufeys wezipige teyinlendi.
muferrej el haghbani 2015 – yili 29 – aprilda xizmet we ijtimaiy tereqqiyat ishliri ministirliqigha teyinlengen idi.
seudi erebistan padishahi selman bin abdul eziz buningdin ilgirimu 1 – noyabirda maliye ministiri ibrahim bin abdul eziz el assafni wezipisidin élip tashlighan idi.
