америка деңиз армийәси хадимлириниң кимлик учурлири оғриланди
америка деңиз армийәси йазма байанат елан қилип, деңиз армийәси хадимлириниң кимлик учурлириниң оғриланғанлиқини уқтурди.
түркийә авази радийоси хәвири: америка деңиз армийәси йазма байанат елан қилип, деңиз армийәси арқа сәп бөлүмидә ишләйдиған бир хадимниң компйутеридики мәхпийәтликләрниң ашкарилинип кәткәнликини билдүрди.
тәкшүрүш нәтиҗисидә вәқәниң 22- нойабирда йүз бәргәнликиниң ениқланғанлиқи әскәртилгән байанатта, « намәлум кишиләр, нөвәттә хизмәт қиливатқан, буниңдин илгири хизмәт қилғанлар болуп җәмий 134 миң 386 деңиз армийәси хадиминиң кимлик учурлири, иҗтимаий бихәтәрлик номурлирини өз ичигә алған сәзгүр учурларға еришти» дегән ибариләргә орун берилди.
мәсилигә алақидар тәкшүрүшләрниң давамлишиватқанлиқи қәйт қилинған байанатта, учурлири оғриланған хадимларниң әһвалдин хәвәрдар қилинидиғанлиқи әскәртилди.
байанатта йәнә, компйутери қолға чүшүрүлгән арқа сәп хизмәтлири хадиминиң җавабкарлиқиға даир һазирғичә һечқандақ пакит йоқлуқи қәйт қилинди.
