ياۋروپا ئەمەلدارى تېررورلۇق تەشكىلاتىنىڭ ھەربىي ئىسياندىكى رولىنى ئېتىراپ قىلدى
ياۋروپا ئىتتىپاقى كومىتېتىنىڭ بىرىنچى مۇئاۋىن رەئىسى فرانس تىممېرمانس كەسكىن قىلىپ، فەتھۇللاھچى تېررورلۇق تەشكىلاتىنىڭ ھەربىي-سىياسىي ئۆزگىرىش قوزغاش ھەرىكىتىدە رول ئوينىغانلىقىغا مۇناسىۋەتلىك ئالامەتلەرنىڭ بارغانسېرى كۆپىيىۋاتقانلىقىنى ئېيتتى.
![ياۋروپا ئەمەلدارى تېررورلۇق تەشكىلاتىنىڭ ھەربىي ئىسياندىكى رولىنى ئېتىراپ قىلدى](http://cdn.trt.net.tr/images/xlarge/rectangle/14cd/74de/5635/582c0d673daf4.jpg?time=1718941251)
تۈركىيە ئاۋازى رادىيوسى خەۋىرى: ياۋروپا ئىتتىپاقى كومىتېتىنىڭ بىرىنچى مۇئاۋىن رەئىسى فرانس تىممېرمانس فەتھۇللاھچى تېررورلۇق تەشكىلاتى ھەققىدە مۇخبىرلارنىڭ سوئاللىرىغا جاۋاب بەردى. ئۇ بىر مۇخبىرنىڭ سوئالىغا: «ئامېرىكىنىڭ پېنسىلۋانىيە ئىشتاتىدا تۇرۇۋاتقان فەتھۇللاھ گۈلەننىڭ تۈركىيەدە يۈز بەرگەن ھەربىي ئىسيانغا قوماندانلىق قىلغان كىشى ھەققىدە دەلىللەر بار» دەپ جاۋاب بەردى.
ئۇ مۇنداق دېدى:
«چەت ئەللەرنىڭ ھەربىي-سىياسىي ئۆزگىرىش قوزغاشقا ئۇرۇنۇش ھەرىكىتىنى ئەيىبلىگەنلىكىنى ناھايىتى ئاز كۆرگەنلىكىنى ئېيتىۋاتقان تۈركلەرنىڭ بۇ مەسىلىدە توغرا تەرىپى بار، ئەسلىدە ئۇلارنى قوللاشتا تېخىمۇ مەرتلىكىمىزنى كۆرسىتەلەيتتۇق.»
ئۇ ياۋروپانىڭ تۈركىيەدىكى ھەربىي-سىياسىي ئۆزگىرىشكە سەل قارىغانلىقىنى ئەسكەرتىپ: «تۈركىيە جۇمھۇر رەئىسى رەجەپ تاييىپ ئەردوغان ئېلان قىلغان فەتھۇللاھچى تېررورلۇق تەشكىلاتىنىڭ ھەربىي-سىياسىي ئۆزگىرىشتە ئوينىغان رولىغا مۇناسىۋەتلىك باياناتلارنىڭ بىكار ئەمەسلىكى ناھايىتى ئېنىق. ئامېرىكىدىكى تەكشۈرۈشلەردە فەتھۇللاھ گۈلەن ھەرىكىتىنىڭ ھەربىي-سىياسىي ئۆزگىرىش قوزغاش ھەرىكىتىدە رول ئوينىغانلىقىغا مۇناسىۋەتلىك بارغانسېرى كۆپىيىۋاتقان ئالامەتلەر بار» دېدى.
فرانس تىممېرمانسنىڭ باياناتى، يۇقىرى دەرىجىلىك ياۋروپا ئىتتىپاقى كومىتېتى ئەمەلدارىنىڭ تۇنجى قېتىم فەتھۇللاھچى تېررورلۇق تەشكىلاتىنىڭ ھەربىي-سىياسىي ئۆزگىرىش قوزغاش ئۇرۇنۇشىدىكى رولىنى ئېتىراپ قىلغان بولدى.