риванда һөкүмити фирансийәниң ирқий қирғинчилиқ қилған һәрбий әмәлдарлирини елан қилди

түркийә авази радийоси хәвири: риванда һөкүмити 1994 – йилида 800 миңдин артуқ кишиниң өлтүрүлишигә йол ачқан вә ирқий қирғинчилиқта рол алғанлиқи илгири сүрүлгән фирансийәниң йуқири дәриҗилик 22 һәрбий әмәлдариниң исмини елан қилди.

риванда дөләтлик ирқий қирғинчилиққа қарши күрәш комитети тәрипидин елан қилинған йазма байанатта, фирансийәниң мәзкур һәрбий әмәлдарлириниң ирқий қирғинчилиқ җинайәтчиси вә һәмкарлашқучиси икәнлики илгири сүрүлди.

байанатта фирансийәни бивастә әйибләнди вә: «ирқий қирғинчилиққа четишлиқи бар кишиләр һәққидә сот ачмаслиқ йаки тәптишни нәтиҗигә ериштүрмәслик арқилиқ ирқий қирғинчилиқ җинайитиниң җавабкарлиқини йепип қелишқа урунмақта» дейилди. 

елан қилинған тизимликтә армийә баш қомандани җаскус лансакдә билән йеңи пинсийәгә чиққан генераллардин чиристийан куйнет, дон перро һучон вә чен килад лафоркәд қатарлиқларниң исимлириму бар.

фирансийәниң йуқири дәриҗилик һәрбий әмәлдарлири ирқий қирғинчилиқ қилғучиларни тәрбийәләш вә қорал - йарақ билән тәминләш билән әйибләнди. 

ривандада 1994 – йили әйни чағдики дөләт рәиси җувенал һабйаримана олтүрған айропилан чүшүриветилгән вә у һайатидин айрилғандин кейин етник гуруппилардин һутутлар вәқәдә йәнә башқа бир етник гуруп тутсийларни җавабкар дәп қариған һәмдә симбикаңвада аз санлиқни игиләйдиған тусийларға қарши һуҗумға башламчилиқ қилған иди. ривандада 100 күн давамлашқан бу қәлиамда 800 миңдин артуқ тутсийлар өлтүрүлгән иди.