«хәйрат йардәм җәмийити» җәраблус хәлқигә йардәм қилди
җәмийәт мәсули районда һава соғушқа башлиғанлиқини алаһидә тәкитләп, «хәлқниң йемәк – ичмәккә болған еһтийаҗи ашмақта» деди.
түркийә авази радийоси хәвири: сүрийәниң шималини террорлуқ унсурлиридин тазилаш үчүн 24 – авғустта түркийәниң рәһбәрликидә башланған фират қалқини һәрикити даирисидә, террорлуқ тәшкилати даештин қутқузувелинған җәраблусқа «хәйрат йардәм җәмийити» йемәк – ичмәк йардими қилди.
«хәйрат йардәм җәмийити»ниң сүрийәдики вәкили муһәммәд убәйд көшгәр анадолу агентлиқи мухбириға бәргән байанатида җәраблус хәлқиниң йенида болушни давамлаштуридиғанлиқини ейтти.
районда һава соғушқа башлиғанлиқини алаһидә тәкитләп, «хәлқниң йемәк – ичмәккә болған еһтийаҗи ашмақта. шуңлашқа узуқлуқ вә қишлиқ кейим- кечәк тарқитиш хизмәтлиримизниң сүритини тизлаштурдуқ. 500 кишилик йемәк – ичмәк бойумлири қачиланған йешикләрни районға йәткүздуқ вә еһтийаҗлиқ кишиләргә тарқитп бәрдуқ» деди.
муһәммәд убәйд көшгәр, районда йашаватқан аилиләрниң қейинчилиқлирини һәл қилиш үчүн қолидин келишичә хизмәт қилишни давамлаштуридиғанлиқини ейтти.
مۇناسىۋەتلىك خەۋەرلەر
германийәдә бир қәһвәханида партлаш йүз бәрди
германийәниң көлин шәһиридики бир қәһвәханида йүз бәргән партлашта икки киши йеник йариланди.
