бир һиндистанлиқ алмас содигири хизмәтчилирини 7милйон 700миң доллар билән мукапатлиди
сивҗи долокийа исимлик бир һиндистанлиқ алмас содигири хизмәтчилирини нурғун аптомобил вә 400 бина өй билән мукапатлиди.
түркийә авази радийоси хәвири: һиндистанлиқ алмас содигири сивҗи долокийа ишчи-хизмәтчилирини 1260 аптомобил вә 400 бина өй билән мукапатлиди.
һиндистанниң алмас шаһи һесаблинидиған сивҗи долокийам буниңдин башқа, бәзи ишчи-хизмәтчилиригиму үнчә-марҗан тарқитип бәрди.
хизмәттә йуқири үнүм йаратқан хизмәтчи-хадимларни мукапатлиған сивҗи долокийа, мукапатлайдиған хадимларни 5600 хизмәтчи арисидин таллап чиқти.
мукапатларниң қиммитиниң 7милйон 700миң доллар әтрапида икәнлики тәхмин қилинмақта.
сивҗи долокийа 2 йил илгириму 1200 хизмәтчи-хадимини 200 бина өй, 400 аптомобил вә қиммәт баһалиқ 500 тал үнчә-мәрвайит билән мукапатлиғаниди.
70дин артуқ дөләткә алмас експорт қилидиған сивҗи долокийа, мукапат тарқитип бериш мурасимида мундақ деди: «һечқандақ нәрсә хизмәтчилиримдин қиммәтлик әмәс. хизмәтчилиримниң хошал болғанлиқини көрсәм мәндә пәйда болған һессийатини тәсвирләп беришкә аҗизлиқ қилимән, хизмәтчиләрни хошал қилсақ, тәңриму бизниң хошаллиқимизни узун қилиду.»