ирақ билән түзүлгән виза келишими бүгүндин башлап иҗра қилиниду
2014-йили ирақ билән түзүлгән келишим бойичә, ирақ пуқралири үчүн нормал паспорттин башқа паспорти барларға виза рәсмийити әмәлдин қалдурулди.
түркийә авази радийоси хәвири: түркийәниң бағдидтики баш әлчиси фаруқ қаймақчи 2014-йилидин буйан икки тәрәп музакирә қиливатқан рәсмий паспортларға визини әмәлдин қалдуруш келишиминиң 2016-йили 28-өктәбир(бүгүн) дин башлап иҗра қилинидиғанлиқини, келишим бойичә дипломатийә, хизмәт вә хусусий паспорти бар түркийә пуқралири үчүн ирақ визисиниң тәләп қилинмайдиғанлиқини؛ ирақниң дипломатийә вә хизмәт паспортиға түркийә визисиниң тәләп қилинмайдиғанлиқини билдүрди.
баш әлчи қаймақчи виза келишиминиң түркийә пуқралири үчүн дипломатийә, хизмәт вә нормал хусусий паспортлар үчүн күчкә игә икәнликини؛ ирақниң нормал хусусий паспортлириға електиронлуқ виза, нормал чаплайдиған виза вә C1 (давалиниш, сайаһәт вә сода) виза рәсмийәтлириниң давамлишидиғанлиқини, түркийәниң виза бериш шәртлири бойичә илтимас сунған ирақ пуқралириға, бир күн ичидә виза берилидиғанлиқини әскәртти.
у 2016-йилиниң бешидин башлап йеңи виза бәлгилимиси вә йаритилған қолайлиқларниң сайисидә, тәләп бойичә илтимас қилған ирақ пуқралириниң наһайити асан виза алғанлиқини؛ ирақтин түркийәгә вә башқа йавропа дөләтлиригә қанунсиз көчниң көп азайғанлиқини билдүрди.
