ақ деңиз 2016 - йили 3740 адәмгә мазар болди
ақ деңиздин қанунсиз йоллар арқилиқ өтүшкә урунған бир кемидин 25 көчмәнниң җәсити чиқирилди.
түркийә авази радийоси хәвири: италийәниң раинийуз қанилиниң хәвиригә қариғанда, чеграси дохтурлар тәшкилати борбон аргос намлиқ парахот билән чарлаш елип берип, ливийә деңиз қирғиқиға 26 мил келидиған җайда икки кемидики 246 көчмәнни қутқузувалған, қутқузуш һәрикити җәрйанида 107 көчмән қутқузувелинған кемиләрниң бириниң су вә бензин қалдуқлири билән толуп кәткән төвән қисмидин, нәпәс алалмай өлүп кәткән көчмәнләрниң җәсәтлири тепилған.
б д т мусапирлар алий комиссарлиқиниң әң йеңи доклатиға қариғанда, бу йилниң бешидин буйан деңиз йоли арқилиқ йавропа йетип барғанлар сани 327 миң 800 гә йәткән, 3740 киши үмид сәпири әснасида һайатидин айрилған.
б д т мусапирлар алий комиссарлиқи әмәлдарлири, ақ деңиз үчүн 2016 – йили қанунсиз өтүш сәпәрлиридә әң көп адәм өлгән йил, дәп нам бәрди.
