يەمەندىكى ھەر قايسى تەرەپلەر ئۇرۇش توختىتىش توغرىسىدا كېلىشتى
بىرلەشكەن دۆلەتلەر تەشكىلاتى يەمەندىكى ئۇرۇشۇۋاتقان تەرەپلەرنىڭ ئۇرۇش توختىتىش توغرىسىدا كېلىشكەنلىكىنى ئۇقتۇردى.
![يەمەندىكى ھەر قايسى تەرەپلەر ئۇرۇش توختىتىش توغرىسىدا كېلىشتى](http://cdn.trt.net.tr/images/xlarge/rectangle/d6eb/4550/a407/5805a1e078253.jpg?time=1718943569)
تۈركىيە ئاۋازى رادىيوسى خەۋىرى: بىرلەشكەن دۆلەتلەر تەشكىلاتى (ب د ت)، يەمەندە 20 – ئۆكتەبىر پەيشەنبە كۈنىدىن باشلاپ 72 سائەت بويىچە توقۇنۇشلارنىڭ توختىتىلىشى توغرىسىدا ئۇرۇشۇۋاتقان بارلىق تەرەپلەرنىڭ كېلىشكەنلىكىنى ئۇقتۇردى.
ب د ت، يەمەن ئالاھىدە ۋەكىلى ئىسمائىل ۋەلەد شەيخ ئەھمەدنىڭ پۈتكۈل تەرەپلەردىن كېرەكلىك كاپالەتنى ئالغانلىقى ئېلان قىلىندى.
يەمەن مىقياسىدا 19 – ئۆكتەبىر چارشەنبە كۈنى شۇ جاي ۋاقتى سائەت 23 دىن 59 مىنۇت ئۆتكەندە باشلىنىپ 3 كۈن بويىچە كۈچكە ئىگە بولىدىغان ئۇرۇش توختىتىش مۇددىتىنىڭ ئۇزارتىلىشى ئۈچۈن خىزمەت ئىشلەشمۇ داۋاملىشىدۇ.
كېلىشىمنىڭ يەمەندە تۆكۈلۈۋاتقان قاننى توختىتىدىغانلىقى ۋە يەمەنگە تېخىمۇ كۆپ ئىنسانپەرۋەر ياردەملەرنىڭ كىرىشىنى كاپالەتكە ئىگە قىلىدىغانلىقىنى تەكىتلىگەن ب د ت ، تەرەپلەردىن ۋەدىسىدە تۇرۇشىنى تەلەپ قىلدى.
كېلىشىمگە ئاساسەن، يەمەندىكى پۈتكۈل توقۇنۇشلارنىڭ توختىتىلىشى ۋە ئىنسانپەرۋەر ياردەم خىزمەتچىلىرى بىلەن نەرسە – كېرەكلەرنىڭ يەمەن مىقياسىغا توسالغۇسىز كىرىشىگە رۇخسەت قىلىنىشىغا توغرا كېلىدۇ.