ماراكەشتە پارلامېنت سايلىمى ئۆتكۈزۈلمەكتە

تۈركىيە ئاۋازى رادىيوسى خەۋىرى: تىزىمغا ئېلىنغان 15 مىليون 702 مىڭ 592 سايلىغۇچىسى بار دۆلەت ئۆتكۈزۈلۈۋاتقان سايلامغا  30 سىياسىي پارتىيە قاتناشماقتا.

سايلىغۇچىلار پارلامېنتنىڭ ئاۋام پالاتاسى قانىتى ئۈچۈن 305 ى يەرلىك، 90 ى مىللىي بولۇپ، جەمئىي 395 پارلامېنت ئەزاسىنى سايلاپ چىقىدۇ.

بىرلەشمە ھۆكۈمەتنىڭ چوڭ شېرىكى ئادالەت ۋە تەرەققىيات پارتىيەسى، ئالدىنقى ھۆكۈمەتنىڭ قۇرغۇچىسى ئىستىقلال پارتىيەسى ۋە ماراكەش پادىشاھى 6 – مۇھەممەدنىڭ مەسلىھەتچىلىرىدىن فۇئاد ئەلى ئەلھىممە قۇرغان گۈللىنىش ۋە تەرەققىيات پارتىيەسى رىقابەتلىشىۋاتقان سايلامنى 92 سى چەت ئەللىك بولۇپ، جەمئىي 4 مىڭ كۆزەتكۈچى كۆزەتمەكتە.