һилари клинтонниң «қусурлири»бир-бирләп ашкариланмақта

түркийә авази радийоси хәвири: америка қошма иштатлирида демократик партийәниң пирезидент намзати һилари клинтонниң ташқи ишлар министири болуп вәзипә өтәватқанда, шәхсий елихәт адресидин йазған, бирақ җамаәтчиликкә ашкарилимиған тәхминән 15миң елихәт учури барлиқи ашкариланди.

америка федератсийә тәкшүрүш идариси тәрипидин елип берилған тәкшүрүштә, һилари клинтонниң иқрариниң әксичә, йәнә 14900дин артуқ елихәт учуриниң барлиқи, җумһурийәтчи партийәгә йеқин һесаблинидиған җудишел воч намлиқ органниң учур-мәлуматларға еришиш қануни даирисидә елип берилған хизмәтләр нәтиҗисидә оттуриға чиқти.

америка ташқи ишлар министирлиқи адвокатлири районлуқ сот мәһкимисиниң сотчиисиға мәлумат берип,  клинтонниң министир болуп вәзипә өтигән 2009-йилдин 2013-йилғичә болған арилиқта 15миң әтрапида елихәтниң тәкшүрүлгәнликини билдүрди.

министирлиқ адвокатлири елихәт учурлириниң тунҗи қисмини тәкшүрүш вә җамаәтчиликкә ашкарилаш ишиниң бу йил өктәбир ейида ахирлишидиғанлиқини қәйт қилишти.

адвокатлар елхәтләрниң қанчиликиниң хизмәткә мунасивәтлик, қанчиликиниң хизмәткә мунасивәтлик әмәсликиниң һазирчә намәлум икәнликини билдүрүшти.

клинтон бу йил нойабирда өткүзүлидиған сайламлардин илгири елихәт адреслири сәвәбидин җумһурийәтчи партийәниң тәнқидлиригә дуч кәлмәктә. болупму җумһурийәтчи партийәниң пирезидент намзати доналд трамп, сайлам сәпәрвәрлик паалийәтлиридә  електронлуқ илихәт алақилиридә дөләткә тәвә мулазимәт үскүнлириниң орниға нийу йорктики өйиниң йәр асти қәвитидики шәхсий мулазимәт үскүнисини ишләткән клинтонға һуҗум қилмақта.

клинтонниң илихәт алақилиридин 55миң сәһипилик қисими илгирики сотта ташқи ишлар министирлиқи тәрипидин җамаәтчиликкә ашкариланғаниди. бу елихәт алақилириниң сәзгүр қисимлири җамаәтчиликкә ашкарилиништин илгири шалливетилди.