дунйадики көчмәнләрниң көпинчисини әрәбләр тәшкил қилиду

түркийә авази радийоси хәвири: бирләшкән дөләтләр тәшкилати мусапирлар алий комитетиниң оттура шәрқ вә шималий африқа бийуросиниң директори, қошумчә сүрийә вә ирақ киризиси районлуқ маслаштурғучиси әмин авад әрәб әллири иттипақи тәрипидин өткүзүлгән «дунйадики көчмәнләрниң әһвали» темилиқ йиғинида қилған сөзидә, дунйаниң һәрқайси җайлиридики һәр күни көчмәнлик кочисиға кирип қеливатқанларниң % 40 тиниң әрәб дөләтлиридин икәнликини тәкитләп мундақ деди: «дунйа бойичә һәр күни 51 миң киши көчмәнләр кочисиға кирип қеливатиду. буниң % 40 тини сүрийә вә ирақни өз ичигә алған әрәб әллири тәшкил қилиду. көчмәнләр саниниң ешип кетиш еһтималлиқи наһайити йуқири, шуңа, пүткүл хәлқара җәмийәтни бу һәқтә қаттиқ агаһландуримән. пүткүл дунйада тоқунушлар сәвәбидин 65 милйон киши көчмән болуп қалди.»

бирләшкән дөләтләр тәшкилати мусапирлар алий комитетиниң доклатиға асасланғанда, нөвәттә дунйаниң нопуси 7.4 милйард болуп, һәр 113 кишидин бири көчмән йаки өй - макансиз икән.