әнглийәдә иккинчи сачир ханимниң чиқиши җәзмләшти
әнглийәдә икки айал намзат өзара риқабәтләшкән омумий сайламда андрейа лидсомниң чекинип чиқиши билән, сериса майниң баш вәзирлик вәзиписигә тәйинлинидиғанлиқи җәзмләшти.
түркийә авази радийоси хәвири: әнглийәдә баш вәзирлик үчүн риқабәтләшкән икки айал намзатниң бири болған лидсом сайламдин чекингәнликини елан қилди. у пайтәхт лондонда елан қилған байанатида, сайламдин чекингәнликини билдүрүп, сериса майниң әнглийәниң йавропа иттипақидин чиқип кетишини капаләткә игә қилидиған рәһбәр икәнликини әскәртти. һазирқи баш вәзир камеронму чаршәнбә (13 – ийул) күни истепасини сунидиғанлиқини җакарлиди.
әнглийә таратқулири лидсомниң сайламдин чекиниши билән, консерватипларниң партийә рәислики үчүн йалғуз қалған сериса майниң сентәбир ейидин бурун баш вәзирлик орниға олтуридиғанлиқини хәвәр қилмақта. сериса май йалғуз назат болғанлиқи үчүн консерватипларниң партийә әзалири арисида өткүзүлүши пилан қилинған сайламниңму өткүзүлмәйдиғанлиқи қәйт қилинди.
