ئىستانبۇلدىكى قانلىق ھۇجۇمى سادىر قىلغان دائېشچىلارنىڭ ئوتتۇرا ئاسىيالىق ئىكەنلىكى ئېنىقلاندى

ئىستانبۇلدىكى ئاتاتۈرك خەلقئارا ئايرودۇرۇمىغا تېررورلۇق ھۇجۇمى قوزغاپ نۇرغۇن بىگۇناھ كىشىنىڭ جېنىغا زامىن بولغان دائېشچى تېررورچىلارنىڭ دۆلەت تەۋەلىكى ئېنىقلاندى.

تېررورچىلارنىڭ بىرىنىڭ ئۆزبېكىستان پۇقراسى ئىكەنلىكى، بىرىنىڭ داغىستانلىق رۇسىيە پۇقراسى ئىكەنلىكى، يەنە بىرىنىڭ قىرغىزىستان پۇقراسى ئىكەنلىكى بىلدۈرۈلدى. داغىستانلىق رۇسىيە پۇقراسى بولغان تېررورچىنىڭ فاتىھ رايونىدا ئىجارىگە ئالغان ئۆيدە پاسپورتىنى قويۇپ قويغانلىقى ۋە بۇ پاسپورت بىلەن تەخمىنەن 1 ئاي ئىلگىرى تۈركىيەگە كىرگەنلىكى ئېنىقلاندى.