германийәниң бәзи өлкилири шиддәтлик һөл - йеғинға дуч кәлди
германийәдә бир қанчә күндин буйан давамлишиватқан шиддәтлик һөл – йеғин еғир маддий зийан кәлтүрүп чиқарди.
502606
түркийә авази радийоси хәвири: германийәдә бир қанчә күндин буйан давамлишиватқан шиддәтлик һөл – йеғин еғир маддий зийан кәлтүрүп чиқарди, бавйера өлкисиниң ниедербайерн районида апәт сигнали берилди.
трифтерндики бир мәктәп билән униңға йеқин йәргә җайлашқан икки йәслидики 250 кә йеқин бала қапсилип қалди.
трифтерн шәһәрлик һөкүмәтниң башлиқи валтер зеч, шәһәр мәркизиниң бир қанчә саәт ичидә су астида қалғанлиқини ейтти. у, апәткә тақабил туруш хадимлиридин сирт қораллиқ муһапизәтчиләрниңму тохтавсиз вәзипә өтәватқанлиқини сөзлиригә илавә қилди.
бавйераға қошна келидиған баден – вүрттемберг вә шималий рен вестфалйа өлкилиридиму һөл – йеғин сәл пәйда қилип, маддий зийан кәлтүрүп чиқарди.
