хитай билән сири ланкида кәлкүн апити йүз берип нурғун зийан көрүлди
сири ланкиниң оттура қисим районлирида мәйданға кәлгән қаттиқ һөл йеғин кәлтүрүп чиқарған кәлкүн вә боран-чапқун апәтлиридә 92 адәм өлди.
түркийә авази радийоси хәвири: сири ланкиниң оттура қисим районлирида мәйданға кәлгән қаттиқ һөл йеғин кәлтүрүп чиқарған кәлкүн вә боран-чапқун апәтлиридә 92 адәм өлди.
йәр астида қалғанлиқи тәхмин қилинған 100дин артуқ кишини издәш-қутқузуш хизмәтлири давамлашмақта.
кәлкүн сәвәбидин өй-макансиз қалған тәхминән 185миң адәм мәктәп вә ибадәтханиларда қалмақта.
буниңдин башқа хитайниң гуңдуң, хунән өлкилири вә гуаңши җуаңзу аптоном районида өткән һәптидин буйан давамлишип келиватқан шиддәтлик һөл йеғин кәлтүрүп чиқарған кәлкүн 1 милйондин артуқ кишигә тәсир көрсәтти, 2000гә йеқин өй, 60миң гегтарлиқ терилғу етизлар зийанға учриди. кәлкүн сәвәбидин 20миңдин артуқ адәм тарқақлаштурулди.
алақидар мәсуллар һөл йеғин сәвәбидин келип чиққан тәбиий апәтләрниң 1 милйард йуән иқтисадий зийан кәлтүрүп чиқарғанлиқини билдүрди.
хитай метерологийә идариси шиддәтлик һөл-йеғин сәвәбидин кәлкүн апитиниң давамлишидиғанлиқини уқтурди.
