amérika süriyede ikkinchi hawa armiye bazisini yasidi
amérika térrorluq teshkilati p k k ning süriyediki qolchumaqchisi p y d ning kontrolida turuwatqan rümeylandin bashqa, ayn elarab (kobani) gha hawa armiye bazisi quridu.
türkiye awazi radiyosi xewiri: amérika ayn elarabta chongluqi 35 géktar kélidighan hawa armiye bazisi quridu. ayn elarab firat deryasining otturigha jaylashqanliqi üchün muhim istatégiyelik ehmiyetke ige. hawa armiye bazisining néme meqset üchün qollinilidighanliqi heqqide hazirche héchqandaq melumat bérilmidi.
térrorluq teshkilati daéshqa qarshi herbiy heriketlerde türkiyediki injirlik bazisidin paydiliniwatqan amérika, öktebir éyida hasekining sherqiy jenubigha jaylashqan rümeylan nahiyeside buninggha oxshaydighan bazining qurulushini bashlighan idi. rümeylan bazisigha hazir peqet tik ucharlarla qonalaydu.
amérika qisimliri harap eljir yézisida ayropilan qonushqa muwapiq meydanlarni yasawatqan bolup, etrapigha sépillar we bir qanche yol éghizlirigha tekshürüsh ponkitliri qurmaqta. pirézidnét barak obamaning daéshqa qarshi küresh alahide wekili brét m.gurk yanwar éyining axirida ayn elarabni ziyaret qilghan idi.
yerlik menbeler, ötkenki aylarda 300 amérika eskirining iraqtin süriyege kirgenlikini we bularning rümeylan, hasekining jenubi hemde ayn elarabqa yétip barghanliqini bildürgen idi.
