чечинийә пирезиденти сийасәттин чекинидиғанлиқини җакарлиди

түркийә авази радийоси хәвири: чечинийә пирезиденти қадиров москвадики өктичиләр өзи һәққидә тәййарлиған «русийәниң тәһдит» дегән доклатни мәтбуатларда елан қилғандин кейин, сийасәттин чекиниш қарарини ашкарилиди.

сәккиз йилдин буйан чечинийәниң пирезиденти болуп туруватқан қадиров бир телевизийә пирограммисида сөз қилип, бундин кейин аилиси билән бирликтә диний хизмәтләр билән шуғуллинишни халайдиғанлиқини билдүрди. у: «вәзипә өтәш муддитим тошти, орнумға башқа бир кишини қойуңлар» деди.

қадировниң тәрәпдарлири униң қарарини өзгәртиш үчүн кочиларға чиқишқа урунди, әмма утәрәпдарлириға ундақ қилмаслиққа чақирди. гәрчә қадиров сиайсәттин чекиниш тоғрисда байанат елан қилған болсиму, униң русийә федератсийәси һөкүмити ичидин вәзипә өтәш мумкинчилики пәрәз қилинмақта.

қадиров өзи һәққидә тәййарланған доклат елан қилинмастин бурун өзиниң тор бетидә елан қилип: «һәммә киши мениң бу доклатқа етибар қилмайдиғанлиқимни көрсун» дәп инкас йезип қойған иди.

москва тәрәптә туруп сийасәт йүзгүзгән қадиров пурсәт тапқанда, русийә пирезиденти владимир путинға өзиниң «садиқ» лиқини көрситип турған болуп, икки йил бурун русларниң өктичи рәһбири немтсовниң өлтүрүлүшидә исми тилға елинған иди. у өткәнки күнләрдә бир либерал сийасәтчигиму өлүм билән тәһдит салған иди.