фирансийәдики көчмәнләр лагерида вәқә чиқти
фирансийәдә әнглийәгә өтүп кетишкә урунған көчмәнләр панаһлиниватқан қәлә лагери париж билән бирйуссел арисида мәсилә пәйда қилди.
түркийә авази радийоси хәвири: белгийә йеңи көчмән долқунидин әнсирәп, чеграда вақитлиқ тәкшүрүшни йолға қойди.
қәлә лагерида 4 миң көчмән панаһлиниватқан болуп, әнглийә чеграсиниң қаршисиға җайлашқан. панаһлиниватқан көчмәнләрдин 300 нәпири йалғуз өз алдиға сәпәргә чиққан кичик бала.
мәлум болушичә, фирансийәниң лагерни тақаш вә көчмәнләрни тарқитиветиш қарариға қарши 250 кә йеқин көчмән вә 10 тәшкилат сотқа әрз қилған. сот мәһкимиси қарарни әмәлдин қалдуруш тоғрисида һөкүм чиқарған.
белгийә лагер тақалса көчмән долқуни пәйда болиду дәп, шәнгән визисини тоңлитип, вақитлиқ чегра тәкшүрүшни йолға қойди. фирансийә чеграға вә әнглийәгә қатнайдиған портларға запас сақчи қисим әвәтти.
йәнә бир тәрәоптин, белгийәниң леополдсбург шәһиридики көчмәнләр лагерида тоқунуш чиқти. ирақ вә сүрийәлик көчмәнләр билән афғанистандин кәлгән көчмәнләр арисида чиққан тоқунушита, йәттә киши йариланди, 11 көчмән қолға елинди.
