ياۋروپا ئىتتىپاقى كەينىگە قەدەم تاشلىدى

تۈركىيە ئاۋازى رادىيوسى خەۋىرى: ياۋروپا ئىتتىپاقى ئەزالىرى ياۋروپا ئادالەت دىۋانىنىڭ «ھاماس» نى تېررورلۇق تىزىملىكىدىن چىقىرىۋېتىش قارارىنى قانۇنى جەھەتتىن تەكشۈرۈش مەسىلىسىدە پىكىر بىرلىكىگە كەلدى. ياۋروپا ئىتتىپاقى سوتنىڭ ھاماس توغرىسىدىكى قارارىنى بۈگۈن تەكشۈرۈپ چىقىدىغانلىقىنى ئېلان قىلدى.
ياۋروپا ئادالەت دىۋانى 2014 – يىلى 17 – دېكابىر چىقارغان قارارىدا، ياۋروپا ئىتتىپاقىنىڭ ھاماسنى تېررورلۇق تەشكىلاتى تىزىملىكىگە كىرگۈزۈش سەۋەبلىرىنىڭ كونكېرىت ھەرىكەتلەرنىڭ ئورنىغا، ئاخبارات ۋە ئىنتېرنېتتە ئورۇن ئالغان كۆزقاراشلارنى سەۋەب قىلىشىنى قانۇنغا خىلاپ، دەپ ھۆكۈم چىقارغان ئىدى.
ھاماسنىڭ تېرررورلۇق تەشكىلاتى تىزىملىكىدىن چىقىرىۋېتىش قارارىنى چىقارغان ياۋروپا سوت مەھكىمىسى، تەشكىلاتنىڭ مال – مۈلكىنى توڭلىتىش قاتارلىق ئېمبارگولارنى ئەمەلدىن قالدۇرۇشنى ئۈچ ئاي كېچىكتۈرگەن ئىدى.