б д т пәләстинлик мәһбусларниң әһвалидин әндишә қилмақта

бирләшкән дөләтләр тәшкилати пәләстинлик мәһбусларниң әһвалидин әндишә қилмақта.
бирләшкән дөләтләр тәшкилати ачлиқ елан қилған пәләстинлик мәһбусларниң саламәтлик әһвалидин әнсирәватқанлиқини билдүрди.
исраилийәниң ишғалийити астидики җайларда пәләстинлик вә башқа әрәб хәлқиниң кшилик һоқуқлириға тәсир йәткүзидиған қилмишлири үстидә тәкшүрүш елип барған б д т алаһидә комитети тәрипидин йазма байанат елан қилинди.
байанатта, исраилийәниң халиғанчә қолға елиш қилмишлириға наразилиқ билдүрүш үчүн ачлиқ елан қилған вә балнестта давалиниватқан 75 тин артуқ пәләстинлик мәһбусниң саламәтликиниң техиму начарлишиватқанлиқи уқтурулди.
исраилийәгә ачлиқ елан қилғучиларниң тәлипиниң орундилиши һәққидә алаһидә чақириқта болунған мәзкур байанатта, мәһбусларниң зади қандақ җинайәт билән әйиблиниватқанлиқини билиш вә өзлирини ақлаш һәқ – һоқуқи барлиқи әслитип өтүлди.
байанатта йәнә, тәхминән 100 гә йиқин пәләстинлик мәһбусниң 2014 – йили 24 – априлда тинч наразилиқ билдүрүшни башлиғанлиқи, ачлиқ елан қилғанларниң саниниң кейинчә 290 ға йәткәнлики билдүрүлди.
байанатта бу санниң техиму ешип кетиш еһтмали барлиқи билдүрүлүп, «исраилийә даирлири һеч қандақ сәвәп көрсәтмәстин нурғун санда пәләстинликни қолға алди» дейилди.
исраилийә түрмилиридә 5 миңдин артуқ пәләстинликниң тутуп туриливатқанлиқи тәхмин қилинмақта.