бейҗиң билән москва арисида тәбиий газ келишими имзаланди
русийә пирезиденти виладимир путинниң җуңго зийаритиниң иккинчи күнидә тарихий тәбиий газ келишими имзаланди.
70520
түркийә авази радийоси хәвири: русийә пирезиденти виладимир путинниң җуңго зийаритиниң иккинчи күнидә тарихий тәбиий газ келишими имзаланди؛ 10 йил давамлашқан содилишиштин кейин русийәниң газпром ширкити билән җуңго дөләтлик нефит ширкити арисида тәбиий газ келишими имзаланди.
келишим даирисидә газпром 2018- йилидин башлап 30 йил бойичә җуңгони 38 милйард куб метир тәбиий газ билән тәминләйду. өткән йили җуңгониң 170 милйард куб метир тәбиий газ ишләткәнлики мәлум. 2020- йили бу истимал миқдариниң 420 милйард куб метирға чиқиши күтүлмәктә.
путин җуңго зийаритиниң биринчи күнидә енергийәдин қатнашқичә болған 49 саһәдә һәмкарлиқ орнитиш келишими имзалиғаниди.
