80 миң җәнубий суданлиқ суданға көчти
түркийә авази радийоси хәвири: судандики бирләшкән дөләтләр тәшкилати (б д т) инсанпәрвәрлик ишлирини маслаштуруш ишханиси тәрипидин тәййарланған һәптилик доклатта, йеқинқи бәш ай ичидә 80 миң җәнубий суданлиқниң суданға көчкәнлики қәйт қилинди.
җәнубий суданлиқ панаһлиқ тилигүчиләрниң бир һәптә ичидә 13 миң киши көпәйгәнлики әскәртилгән доклатта, йемәк – ичмәк вә сәһийә саһәлиридә инсанпәрвәрлик йардәмгә җиддий еһтийаҗниң барлиқи тәкитләнди.
җәнубий суданда, пирезидент салва киир майардит 2013 – йили 16 – декабир йардәмчиси рийек мачарни һәрбий өзгирш қозғашқа урунуш билән әйибләп вәзиписидин елип ташлиғандин кейин, һөкүмәт армийәси билән мачар тәрәпдарлири арисида уруш башланған иди.
җәнубий судан киризисини һәл қилиш үчүн һөкүмәт мәсуллири билән мачар тәшкиллигән һәйәт арисида 2014 – йили 3 – йанвар ефийопийә пайтәхти әддис әбибәдә өткүзүлгән музакиридә, 23 – йанвар уруш тохтитиш тәклип қилинған келишим имзаланған, әмма иҗра қилинмиған иди.
